Фарғонада қурилиш объектларида чанг зарраларини камайтириш чоралари кучайтирилмоқда
2025-12-05 15:25:00 / Янгиликлар
Фарғона вилояти Қурилиш ва уй-жой коммунал хўжалиги соҳасида ҳудудий назорат қилиш инспекцияси ходимлари томонидан вилоят ҳудудида барпо этилаётган иншоотларда чанг кўтарилишига йўл қўймаслик, экологик муҳитни яхшилаш ҳамда белгиланган экологик талабларнинг бажарилиши устидан назорат ишлари кучайтирилди.
Инспекция томонидан амалдаги тартиб асосида қурилиш объектларида майда заррали материалларни ёпиқ омборларда сақлаш, юк автомашиналарининг кириб-чиқиш жараёнида уларни махсус мосламаларда ювилишини таъминлаш, объектларга сув пуркагич қурилмаларни ўрнатиш каби талабларнинг ижроси доимий равишда ўрганиб борилмоқда.
Ўтказилган мониторинглар давомида мазкур талабларни кучайтириш бўйича инспекция ходимлари томонидан жами 71 та ёзма кўрсатма расмийлаштирилди.
Инспекция томонидан ушбу йўналишда рейд тадбирлари изчил давом эттирилмоқда.
