Фуқаролар мурожаатларини ўрганиш мақсадида навбатдаги сайёр қабул бўлиб ўтди
2025-05-27 12:00:00 / Янгиликлар
"Дамбоғ" маҳалласида ташкил этилган қабулда ушбу маҳалладан сайланган шаҳар кенгаши депутати Фотима Тошматова иштирок этди. Сайёр қабул давомида 40 нафардан ортиқ фуқаро ўз муаммолари билан мурожаат қилди. Уларнинг мурожаатлари асосан газ таъминоти, канализация, сув, йўлларни таъмирлаш масалалари, саломатликни тиклаш, моддий ёрдам, пенсия, тикув машинаси олиш, тадбиркорлик фаолиятини бошлаш, уй-жой, кадастр масалалари каби йўналишларга тегишли бўлди.
Шаҳар ҳокими ҳар бир мурожаатни диққат билан тинглаб, уларни ижобий ҳал этиш учун тегишли чоралар кўрилди. Шошилинч ҳал этилиши мумкин бўлган муаммолар жойида ҳал этилди, айрим масалалар эса вақт ва маблағ талаб этгани учун назоратга олинди.
Мазкур сайёр қабул фуқаролар муаммоларини самарали ҳал этиш ва аҳоли билан очиқ мулоқотни таъминлашга қаратилган.
Наманган шаҳар ҳокимлиги ахборот хизмати.