64-халқаро “Гуллар фестивали” тантанали равишда старт олди
2025-05-25 10:05:00 / Янгиликлар
Фестивалнинг расмий очилиш маросимини Наманган вилояти ҳокими, Сенат аъзоси Шавкатжон Абдураззоқов олиб борди.
У ўз нутқида ушбу анъанавий гўзаллик байрами йилдан йилга такомил топиб, вилоятнинг рамзий брендига айланганини таъкидлади.
Ўтган йили 7 миллион меҳмонни қарши олган фестивалда бу йил 10 миллионга яқин ташриф буюрувчи кутилмоқда. Бундай кенг қамровли анжуманни юксак даражада ташкил этган масъул идораларга ҳоким томонидан алоҳида миннатдорлик изҳор этилди.
64 бор гуллашда давом этаётган фестиваль нафақат гуллар, балки инсон қалбидаги эзгу туйғулар ҳамда миллий маданият ва меҳмондўстликнинг ифодасидир.