Наманган шаҳар ҳокими тадбиркорлар билан очиқ мулоқот ўтказди
2025-04-21 18:30:00 / Янгиликлар
Наманган шаҳридаги "Баркамол авлод" кичик саноат зонасида шаҳар ҳокими Анваржон Отаходжаев маҳаллий ва хорижий тадбиркорлар билан очиқ мулоқот ўтказди. Ушбу учрашув тадбиркорлар фаолиятидаги долзарб муаммолар ва уларнинг ечимлари юзасидан жонли мулоқот бўлиб ўтди.
Мулоқот давомида тадбиркорлар ўз таклиф ва муаммоларини билдиришди. Жумладан, газ таъминоти, кредид олиш, кадастр ҳужжатларини расмийлаштириш, экспорт соҳаси, корхоналарни рўйхатдан ўтказишдаги муаммолар ҳамда бўш иш ўринларига малакали ишчиларни жалб этиш каби масалалар кўтарилди.
Ҳар бир мурожаатга алоҳида ёндашилган ҳолда, тегишли мутасаддиларга масъулият билан ёндошиш юклатилди. Вақт талаб қиладиган айрим масалалар эса шахсан шаҳар ҳокимининг назоратига олинди.
Мулоқот тадбиркорлик муҳитини яхшилаш, ишбилармонлар фаолиятига қулайлик яратиш ва янги иш ўринлари ташкил этишга ҳам алоҳида эътибор қаратилди.
Наманган шаҳар ҳокимлиги ахборот хизмати