Наманган шаҳрида чиқиндиларни бошқариш бўйича янги ташаббуслар амалга оширилмоқда
2025-04-09 12:30:00 / Янгиликлар
Бугун шаҳар ҳокими Анваржон Отаходжаев, вилоят экология ва атроф-муҳитни муҳофаза қилиш бошқармаси бошлиғи Шухрат Максумов ҳамда тегишли ташкилотлар вакиллари иштирокида ушбу масала муҳокама этилди.
Йиғилганлар иштирокида шаҳар ҳудудида юзага келаётган асосий муаммолардан бири — чиқиндиларни белгиланган тартибда тўплаш ва уларни олиб чиқиб кетишдаги камчиликлар муҳокама қилинди. Мавжуд муаммоларни бартараф этиш мақсадида шаҳарнинг турли ҳудудларида махсус чиқинди ташлаш жойлари ташкил этилиши режалаштирилди.
Жумладан, Уйчи кўчаси бўйлаб жойлашган кўп қаватли уйлар атрофида ҳамда “Маданий маориф” маҳалласидаги ноқонуний чиқиндихоналарни йўқотиш ва улар ўрнида замонавий, автомобил йўлидан чеккада жойлашган чиқинди ташлаш жойлари қуриш белгиланди.
Бу ташаббуслар орқали нафақат шаҳар кўчаларидаги санитария ҳолати яхшиланади, балки аҳоли учун ҳам қулай ва хавфсиз муҳит яратилиши таъминланади.
Наманган шаҳар ҳокимлиги ахборот хизмати.