Шахсий қабулда фуқаролар мурожаатларига аниқ чора-тадбирлар белгиланди
2026-08-04 14:30:00 / Янгиликлар
Қабул давомида шаҳар ҳокими, Халқ депутатлари Наманган шаҳар Кенгаши депутати Аюбхон Камалов томонидан 47 нафар фуқаронинг мурожаатлари, муаммо ва таклифлари атрофлича тингланди. Мурожаатларнинг 19 таси қабул жараёнининг ўзида тегишли масъуллар иштирокида ижобий ҳал этилди.
Бажарилиши маълум вақт талаб этадиган ҳамда қўшимча ўрганишни тақозо этувчи мурожаатлар эса тегишли ташкилот ва идораларга юборилиб, уларни қонунчилик доирасида кўриб чиқиш ҳамда ижобий ечим топиш юзасидан аниқ вазифалар белгиланди.
Бундай шахсий қабуллар аҳоли билан очиқ мулоқотни йўлга қўйиш, фуқароларни қийнаётган масалаларни жойида ҳал этиш ҳамда давлат органларининг халқ олдидаги масъулиятини янада оширишга хизмат қилмоқда.
Наманган шаҳар ҳокимлиги Матбуот хизмати