Жиззах шаҳар ҳокими мактаб спортчилари билан учрашди
2026-01-29 17:00:00 / Янгиликлар
Ёшлар билан бўлиб ўтган учрашувда спортни ривожлантириш, соғлом турмуш тарзини қарор топтириш ҳамда ёш авлодни жисмонан ва маънан етук этиб тарбиялаш масалаларига алоҳида эътибор қаратилди. Ҳоким спортчиларнинг машғулот шароитлари, эришаётган ютуқлари ва келгусидаги режалари билан қизиқиб, уларнинг таклиф ва ташаббусларини тинглади.
Учрашув давомида таъкидланганидек, бугунги кунда давлатимиз томонидан спорт соҳасига, хусусан, мактаб спортини ривожлантиришга кенг имкониятлар яратилмоқда. Аралаш жанг санъатлари билан шуғулланаётган ёшлар нафақат спортда, балки интизом, ирода ва ватанпарварлик руҳида тарбияланишда ҳам ўрнак бўлаётгани қайд этилди.
Шунингдек, иқтидорли спортчиларни қўллаб-қувватлаш, мусобақаларда муносиб иштирок этиши учун зарур шароитларни яхшилаш, спорт инфратузилмасини ривожлантириш масалалари юзасидан масъулларга тегишли топшириқлар берилди.