Ўзбекистон Республикаси Олий судининг 2026 йил 9 февралдаги №11-07/26-10817-сонли топшириқ хати ва Олий суд раҳбарияти томонидан 2026 йилда жойларда сайёр қабул қилиш бўйича амалга оширилган тадбир
2026-02-13 12:00:00 / Янгиликлар
Сайёр қабулда МФЙ вакиллари, туман ҳокимлиги, бошқа идора ва ташкилотлар ҳамкорлигида фуқароларнинг турмуш тарзидан келиб чиқадиган ва уларни қизиқтираётган масалалар бўйича манзилли ҳуқуқий ёрдам кўрсатиш бўйича қатор ишлар амалга оширилди.
Хусусан, суд раиси Ў.Разиков хотин-қизларни қийнаётган ҳуқуқий масалалардаги мурожаатларни ижобий ҳал этиш, аҳолида ислоҳотларга дахлдорлик туйғусини мустаҳкамлаш, шукроналик, ўзаро бир-бирига кўмаклашиш каби умуминсоний қадриятларни кучайтириш каби эзгу мақсадларга алоҳида эътибор қаратилди.
Тадбир давомида суд-ҳуқуқ соҳасига оид масалалар юзасидан ҳуқуқий ёрдамга муҳтож бўлган жами 12 нафар фуқаролар билан сайёр учрашув ўтказилди.
Қабул қилинган хотин-қизларнинг 8 нафари суд-ҳуқуқ масалаларида, 4 нафари еса ижтимоий-иқтисодий ва бошқа масалаларга оид мурожаатларни ташкил этади.
Мурожаатларнинг барчаси ижобий ҳал қилиниб, шунингдек тегишли ҳуқуқий тушунтиришлар берилди.
Мисол тариқасида, Қалмоқон қишлоғида яшовчи фуқаролар Ф.А. ва К.Ллар ўртасида оилавий низо бўйича келиб чиққан келишмовчилик жойида ўрганилиб, мазмунан кўриб чиқилди.
Шунингдек, Б.Снинг уйида ёнғин чиққанлиги юзасидан зарарни ундириш ҳақидаги мурожаати юзасидан амалий ёрдам кўрсатилиб, соҳа мутахассислари томонидан фуқарога асосли далиллар билан судга даъво аризаси билан мурожаат қилиш ҳуқуқи тушунтирилди.
Шу билан бирга тадбир иштирокчилари томонидан берилган саволларга суд раиси томонидан ҳуқуқий маслаҳатлар берилди.