Нуробод туманида таълим ва тиббиёт муассасаларида профилактик тадбирлар ўтказилди
2026-09-07 18:30:00 / Янгиликлар
«Ёнғиндан огоҳлик» умуммиллий кампанияси доирасида Нуробод тумани Фавқулодда вазиятлар бўлими ходимлари томонидан таълим ва тиббиёт муассасаларида ёнғин хавфсизлигини таъминлашга қаратилган профилактик тадбирлар ўтказилди.
Тадбирлар давомида муассасалардаги ёнғин хавфсизлиги ҳолати ўрганилиб, электр жиҳозлари ва тармоқларидан фойдаланиш, ёнғинга қарши воситаларнинг созлиги, эвакуация йўлакларининг очиқлиги ҳамда фавқулодда вазиятларда ходимларнинг ҳаракатлари кўздан кечирилди.
Шунингдек, муассаса раҳбарлари ва ходимларига ёнғинларнинг келиб чиқиш сабабларини бартараф этиш, аниқланган камчиликларни ўз вақтида бартараф этиш ҳамда куз-қиш мавсумини хавфсиз ўтказиш юзасидан тегишли тавсия ва тушунтиришлар берилди.
Таълим муассасаларида ўқувчи-ёшлар ўртасида ҳам ёнғин хавфсизлиги қоидаларига риоя этиш, электр ва иситиш мосламаларидан тўғри фойдаланиш ҳамда ёнғин содир бўлганда тўғри ҳаракат қилиш бўйича тарғибот ишлари олиб борилди.