Самарқанд вилояти Фавқулодда вазиятлар бошқармаси ва Самарқанд ҳарбий прокуратураси ҳамкорлигида «Мустаҳкам оила — тинч ҳаёт ва ёруғ келажак пойдевори» шиори остида спорт ўйинлари ўтказилди.
2026-07-13 17:35:00 / Янгиликлар
Мусобақаларда иштирокчилар шахмат, шашка, арқон тортиш ҳамда турли спорт эстафеталари бўйича ўзаро беллашдилар. Қизғин ва муросасиз руҳда ўтган баҳсларда иштирокчилар чаққонлик, зукколик ва жамоавий ҳамжиҳатлик намуналарини намоён этдилар.
Шунингдек, ҳарбий хизматчилар ва ходимларнинг фарзандлари ўртасида «Мен ҳам қутқарувчи бўламан» шиори остида расм чизиш танлови ўтказилди.
Тадбир якунида фаол иштирокчилар ва танлов ғолиблари муносиб рағбатлантирилди.