Энергия самарадорлиги миллий агентлигининг бир гуруҳ ходимлари “Мустақилликнинг 35 йиллиги” эсдалик нишони билан тақдирланди
2026-08-28 20:05:00 / Янгиликлар
Ўзбекистон Республикаси давлат мустақиллигининг 35 йиллиги муносабати билан Энергия самарадорлиги миллий агентлигида байрам тадбири ҳамда “Ўзбекистон Республикаси мустақиллигининг 35 йиллиги” эсдалик нишонларини тантанали топшириш маросими бўлиб ўтди.
Тадбирда Ўзбекистон Республикаси Президентининг “Ўзбекистон Республикаси мустақиллигининг 35 йиллиги” эсдалик нишони билан тақдирлаш тўғрисидаги Фармонига мувофиқ, мамлакатимизнинг ижтимоий-иқтисодий тараққиёти, иқтисодий салоҳиятини мустаҳкамлаш ҳамда халқ фаровонлигини юксалтириш йўлида самарали меҳнат қилиб келаётган бир гуруҳ Агентлик ходимларига мазкур юксак эътироф нишонлари топширилди.
Шунингдек, тадбир давомида Агентлик фаолиятини самарали ташкил этиш, энергия самарадорлигини ошириш ва соҳада амалга оширилаётган ислоҳотларни изчил ҳаётга татбиқ этишга муносиб ҳисса қўшиб келаётган бир гуруҳ ходимлар Фахрий ёрлиқлар билан тақдирланди.
Тадбир якунида тақдирланган ходимларга эзгу тилаклар билдирилиб, уларнинг фидокорона меҳнати ва Агентлик фаолиятига қўшаётган муносиб ҳиссаси алоҳида эътироф этилди. Бундай юксак эътироф жамоа аъзоларини ўз фаолиятига янада катта масъулият билан ёндашишга, янги ташаббусларни илгари суришга ва белгиланган вазифаларни самарали амалга оширишга руҳлантириши таъкидланди.