Энергия самарадорлиги: назария ва амалиёт уйғунлиги
2026-08-21 14:10:00 / Янгиликлар
Наманган вилоятида энергия самарадорлигини ошириш, электр энергияси йўқотишларини камайтириш ҳамда энергетика соҳаси учун замонавий билим ва амалий кўникмаларга эга мутахассисларни тайёрлаш мақсадида ўқув-амалий семинар ўтказилди.
Семинар 220/110/10 кВ кучланишли “Сардор” подстанциясида ташкил этилди. Амалий машғулотларда иштирокчиларга подстанциянинг асосий электр қурилмалари, уларнинг ишлаш принципи ва техник хусусиятлари тушунтирилди.
Шунингдек, электр энергияси йўқотишларини камайтириш ва энергия самарадорлигини оширишнинг муҳим йўналишлари, жумладан, реактив қувватни компенсация қилиш, кучланиш режимини оптималлаштириш, трансформаторлар юкланишини назорат қилиш, электр қурилмаларининг техник ҳолатини мониторинг қилиш ҳамда рақамли мониторинг тизимларидан фойдаланиш бўйича амалий тушунчалар берилди.