Сурхондарёда энергия самарадорлиги соҳасидаги молиявий ёрдам ва имтиёзларга бағишланган семинар ўтказилди
2026-02-23 15:05:00 / Янгиликлар
Энергия самарадорлиги миллий агентлиги томонидан Сурхондарё вилоятида тадбиркорлик субъектлари ва аҳоли учун энергия самарадорлиги ҳамда қайта тикланувчи энергия манбаларини жорий этишда ажратилаётган субсидия ва компенсациялар, шунингдек, мавжуд солиқ имтиёзларига бағишланган семинар ташкил этилди.
Тадбирда вилоят ҳокимлиги вакиллари, Бандлик бошқармаси мутасаддилари, ҳоким ёрдамчилари, маҳалла раислари ҳамда тадбиркорлик субъектлари иштирок этдилар.
Семинар якунида иштирокчилар томонидан таклиф ва мулоҳазалар билдирилиб, мавжуд имтиёзлардан самарали фойдаланишни таъминлаш мақсадида тарғибот ишларини кучайтириш бўйича қарор қабул қилинди.
Мазкур тадбир ҳудудда тадбиркорлик субъектлари ва аҳоли ўртасида энергия самарадорлиги ҳамда қайта тикланувчи энергия манбаларига бўлган қизиқиш ва талабни янада ошириш, шунингдек, аҳоли фаровонлигини таъминлашга хизмат қилади.