Иккинчи Ўзбекистон-Беларус аёллари бизнес-форуми доирасида таълим, соғлиқни сақлаш, маданият ва туризм соҳаларидаги ҳамкорлик муҳокама қилинди
2024-08-26 14:35:00 / Вазирлик янгиликлари
Унда Ўзбекистон ва Беларус парламенти ва ҳукумати аъзолари, таълим, соғлиқни сақлаш, туризм ва маданият соҳаси вакиллари ҳамда оммавий ахборот воситалари вакиллари иштирок этишди.
Учрашувда Ўзбекистон-Беларус ўртасида икки томонлама ҳамкорлик, хусусан, таълим, соғлиқни сақлаш, туризм ва маданият соҳаларидаги Ҳукуматлараро имзоланган келишувлар ижроси, истиқболда амалга оширилиши режалаштирилган лойиҳалар муҳокама қилинди.
Жумладан, 2023 йилда соғлиқни сақлаш соҳасида аҳолининг репродуктив саломатлигини сақлаш, оналик ва болаликни муҳофаза қилиш йўналишида 120 дан ортиқ келишув ва меморандумлар имзоланганлиги, Қашқадарё вилоятида оналик ва болаликни муҳофаза қилиш бўйича Беларус тажрибаси йўлга қўйилаётганлиги, 900 нафар патронаж доялар Беларус ўқув дастурлари асосида ўқитилганлиги қайд этилди.