Балиқчи тумани ҳокими 24 нафар оғир тоифадаги, пробация ҳисобида турувчи ёшларни оталиққа олди
2025-12-24 16:00:00 / Янгиликлар
Ёшлар билан ишлаш, уларни жамиятга фаол жалб этиш, ҳаётда ўз ўрнини тополмаётган ҳамда турли салбий таъсирларга тушиб қолган ёшларни қўллаб-қувватлаш бугунги кунда устувор вазифалардан бири ҳисобланади.
Шу мақсадда Балиқчи тумани ҳокими туманда истиқомат қилувчи, оғир тоифага кирувчи ва пробация ҳисобида турувчи 24 нафар ёшлар билан очиқ ва юзма-юз мулоқот ўтказди. Учрашув давомида ҳар бир ёш билан алоҳида суҳбатлашилиб, уларнинг мавжуд муаммолари, қизиқишлари ҳамда келгусидаги режалари тингланди.
Мулоқот якунларига кўра, туман ҳокими 24 нафар ёшни шахсан ўз оталиғига олиб, уларнинг бандлигини таъминлаш, касб-ҳунарга йўналтириш, таълим олиши ва ижтимоий қўллаб-қувватлаш масалалари бўйича аниқ чора-тадбирлар белгилаб берди. Ҳар бир ёш кесимида манзилли иш олиб бориш бўйича топшириқлар берилди.