Ҳурматли брифинг иштирокчилари.

Ангор туманидаги қишлоқ хўжалиги соҳасида амалга оширилаётган ишлар юзасидан  қисқача маълумот бериб ўтсам.

Пахтачилик йўналишида.  2025 йилда Пахтачилик кластер билан 27 та фермер хўжаликлари шартнома имзолаган ҳолда 2025 йилда жами 4450 гектар ғўза майдонида ингичка толали  “Термиз-202” ва хитой Давлатининг “Xinluzhong-78” номли серҳосил ғўза навларини экиб, ҳозирги кунда агротехник тадбирлар асосида ишлов берилмоқда.

Ушбу Хитой чигитини ерга қадаш учун тумандаги илғор фермер хўжаликлари ҳамда кластер томонидан Хитой Давлатининг юқори унумли  10 дона сеялкаси олиб келиниб ҳар бири учун 30 (фоиз) яни 30 млндан жами 300 млн аванс маблағлар тўлаб берилди. Бугунги кунда пахта майдонларида барча зарурий агротехник тадбирлар амалга оширилмоқда булар:

Ўргимчакканага, ғўза кандалага қарши ишлов, исо сепиш, минерал ўғит бериш ҳамда ғўзани баргидан озиқлантириш мақсадида БИОСТУМЛЯТОРЛАР билан суспенция қилиш ишлари амалга оширилмоқда.

 Бу йил биз ўзимизга шуни мақсад қилиб олдик ўтган йилги пахтадан 40-42 центнер ҳосил олган бўлсак, бу йили бу кўрсатгични 48-50 центнерга етказамиз.

Ғаллачилик йўналишида. 2025 йил ҳосили учун           6000 гектар майдонда ғалла экилган.

Бугунги кунда ғалла майдонларида ўрим йиғим ишлари амалга оширилмоқда.Туманда ўрим йиғим ишларини ташкил этиш мақсадида 9 та ортяд ташкил этилган бўлиб, 26 та замонавий комбайнлар ҳамда 130 та ташиш техникалари бириктирилган.

Бундан ташқари, “Шайманов Зокир” фермер хўжалиги томонидан 1 та юқори унумли КЛАСС Доминатор-260 русумли комбайн олиб келиниб, ўрим йиғим ишларига жалб этиб юборилди.

Бугунги кун ҳолатига туманда 5936 гектар ғалла майдонларида ўрим ишлари якунланиб, бу майдонлардан давладга 17 минг 467 тонна бошоқли дон топширилди. (97.9 фоиз)  Шундан фермер хўжаликлари 2 минг 541 тонна (108.6 фоиз) ва кластер 14 минг 926 тонна (96.2 фоиз) ўртача ҳосилдорлик 80-85 ц/га га тенг бўлмоқда.

Шунингдек, туманда 90-100 ц/гадан юқори ҳосил олган фермерлар мавжуд. Булар “Икки дўст Сурхон Ангор” “Ўктамбек Суннатбек”, “Умид шоҳ Ангор” ва бошқалар.

Чорвачилик йўналишида. Туманда фаолият юритаётган чорвачилик фермер хўжаликлари сони жами 17 тани ташкил этади. Ушбу фермер хўжаликларининг ер майдони 346 гектар. Ўтган йилнинг 1 чорагига нисбатан чорвачилик соҳасида фаолият юритаётган фермер хўжаликларида йирик шоҳли қорамоллар бош сони 102.5 % га  сигирлар бош сони 103.8 % га қўй ва эчкилар бош сони 104.1 % га кўпайди.

Ирригация  йўналишида

Туманда 2024-2025 йилларда 113 км ички ариқларни бетонлаш режалаштирилган бўлиб, ҳозирга кунда барча ариқлар бетонлаш  ишлари бажарилган. Туманда куз-қишги мавсумида 95 км ички суғориш тармоқларини механизм ёрдамида тозалаш ишлари,  550 км ички суғориш тармоқларини қўл кучи ёрдамида тозалаш ишлари тўлиқ якунланди.

Ўзбекистон Республикаси Президентининг 2024-йил 23-сентябрдаги “Камбағалликдан фаровонлик сари” дастурини амалга ошириш бўйича биринчи навбатдаги чора-тадбирлар тўғрисида”ги ПҚ-330-сонли қарор ижроси таъминлаш мақсадида тумандаги 5 та яъни Каттақум, Қўштегирмон, Қадимий Ангор, Таллашқон, Навруз маҳалларида жами 10 км ариқни бетонлаштириш режаси бўлиб, бугунги кунга қадар 10,0 км қисми бетонлаш ишлари амалга оширилди режа (100 фоизга) бажарилди.

Пиллачилик йўналишида Шунингдек, туманда 2025 йилда 3058 қути яни 184 тонна пилла парваришланиб давлатга топширилиб, пилла режасини 100 фоизга бажардик.

ТАКРОРИЙ ЭКИН-2025

Такрорий экинлардан жами 85 минг 557 тонна маҳсулот етиштириш кўзда тутилган бўлиб, шундан, 21 минг 976 тонна сабзавот, 8 минг 455 тонна полиз маҳсулотлари, 2 минг  147 тонна дуккакли экинлар, 780 тонна шоли, 52 минг 199 тонна озуқабоб экинлар етиштирилади. Ушбу етиштирилган қишлоқ хўжалиги маҳсулотларининг 25 минг тоннаси экспортга йўналтирилса, қолган қисми республика ва вилоят деҳқон бозорларига аҳоли эҳтиёжи учун чиқарилади.