Паспорт алмаштириш

Паспортни фуқаролар истиқомат жойидаги ички ишлар органлари, ёхуд Ўзбекистон Республикасининг шахс борган хориждаги дипломатия ваколатхоналари ёки консуллик муассасалари беради ва алмаштиради.

Қуйидаги ҳолларда паспорт алмаштирилади

паспортнинг амал қилиш муддати тугаганда;
фамилияси, исми, отасининг исми ўзгарганида;
миллатини, туғилган йилини ўзгартирганда;
ёзувлардаги чалкашлик аниқланганда;
виза ва алоҳида белгилар учун мўлжалланган варақлар тўлганда;
фойдаланишга яроқсиз ҳолга келганда.

Тақдим этиладиган ҳужжатлар

ариза;
туғилганлик тўғрисида гувоҳнома (паспортни биринчи марта олиш чоғида);
илгари олинган паспорт;
35х45 миллиметр катталикдаги иккита оқ-қора ёки рангли фотосурат.

Фамилияси, исми, отасининг исмини ўзгартириш, миллатини, туғилган йилини ўзгартиш ёки ёзувдаги чалкашликка аниқлик киритиш мақсадида паспортни алмаштириш учун шу ҳолатларни тасдиқловчи ҳужжатлар ҳам тақдим этилади.

Фуқаро паспортини йўқотган тақдирда унга белгиланган тартибда паспорт йўқолгани ҳақида ариза берган кундан бошлаб 1 ой ичида янги паспорт берилади.
Паспортни алмаштиришга, шунингдек, 18 ёшга тўлиши муносабати билан хорижга чиқиш биометрик паспортини расмийлаштириш учун аризалар - паспорт амал қилиш муддати тугашидан 1 ой олдин ва паспорт амал қилиш муддати тугаганидан кейин 1 ойлик муддатда ҳамда 18 ёшга тўлгандан кейин 1 ойлик муддатда берилади.

Хорижга чиқиш биометрик паспорти фуқароларга қуйидаги муддатларга берилади

туғилган кунидан бошлаб бир ёшгача — 2 йил муддатга;
бир ёшдан 16 ёшгача — 5 йил муддатга;
16 ёшдан ошган шахсларга — 10 йил муддатга.

Консуллик муассасига тақдим этиладиган ҳужжатлар.
Янги паспортни расмийлаштириш жойидан қатьий назар давлат божи ёки консуллик йиғими ундирилади.
Паспортни қасддан яроқсизлантириш ёки эҳтиёт қилиб сақламаганлик оқибатида йўқотиб қўйиш жаримага сабаб бўлади.

Норматив ҳужжатлар

Шаблон ва шакллар намуналари

Биометрик ҳужжат бериш ҳақида ариза

ички ишлар органлари консуллик муассасалари паспорт Ўзбекистон Республикаси фуқаролари Ўзбекистон Республикаси фуқаролиги фуқаролик ҳаракатланиш ҳужжати