Автомобилда йўловчи ва юк ташиш учун лицензия олиш тартиби

Автомобилда йўловчи ва юк ташиш учун лицензия олиш тартиби

Автомобилда йўловчиларни ва юкларни шаҳарда, шаҳар атрофида, шаҳарлараро ва халқаро йўналишлар бўйича ташиш учун лицензия талаб этилади.

Лицензия бериш, лицензиянинг амал қилишини тўхтатиб туриш ёки тўхтатиш, уни бекор қилиш ва қайта расмийлаштириш Транспорт вазирлиги ва унинг ҳудудий бошқармалари томонидан амалга оширилади.
Ариза Давлат хизматлари маркази ёки Ягона интерактив давлат хизматлари портали орқали берилади.

Лицензия бериш ҳақ эвазига амалга оширилади.

Лицензия қуйидаги фаолият турлари учун берилади

йўловчиларни шаҳарда автобусларда ташиш;
йўловчиларни шаҳарда микроавтобусларда ташиш;
йўловчиларни шаҳарда енгил автомобилларда ташиш;
йўловчиларни шаҳар атрофида автобусларда ташиш;
йўловчиларни шаҳар атрофида микроавтобусларда ташиш;
йўловчиларни шаҳар атрофида енгил автомобилларда ташиш;
йўловчиларни шаҳарлараро автобусларда ташиш;
йўловчиларни шаҳарлараро микроавтобусларда ташиш;
йўловчиларни шаҳарлараро енгил автомобилларда ташиш;
йўловчиларни халқаро автобусларда ташиш;
йўловчиларни халқаро микроавтобусларда ташиш;
йўловчиларни халқаро енгил автомобилларда ташиш;
юкларни автомобиль транспортида шаҳарда ва шаҳар атрофида ташиш;
юкларни автомобиль транспортида шаҳарлараро ташиш;
юкларни автомобиль транспортида халқаро ташиш.

Автомобилда йўловчиларни ва юкларни лицензиясиз ташиганлик учун қонунчиликда маъмурий ва жиноий жавобгарлик белгиланган.

Норматив ҳужжатлар

Йўловчи ва юк ташиш Лицензия Лицензия бериш Такси Ташкилот

Автомобилда йўловчи ва юк ташиш учун лицензия олиш тартиби