Ҳаво транспорти хизмати
Ташиш шартномасига биноан, ташувчи – йўловчи ва унинг багажини белгиланган манзилга элтиб қўйиш мажбуриятини олади.
Йўловчи эса тариф бўйича парвоз учун, меъёрдан ортиқча багаж учун ҳақ тўлаш мажбуриятини олади.
Йўловчининг асосий ҳуқуқлари
- ҳаво транспортидан фойдаланиш;
- белгиланган миқдор доирасида қўл багаж олиб юриш;
- ташиш учун багаж топшириш.
Ташиш шартномаси ўзгарганда, ташувчининг мажбуриятлари
- йўловчини манзилига ўзининг бошқа ҳаво кемасида етказиш;
- йўловчини брон чипта билан таъминлаш;
- йўловчи тўлаган хизмат кўрсатиш тоифасининг ўзгаришига йўл қўймаслик;
- ташиш бажарилмаганлиги учун йиғим ундирмасдан пулни қайтариш.
Хизмат кўрсатиш тоифасини ўзгартириш
- чипта пастроқ тоифага алмаштирилганда, йўловчига тарифлар ва йиғимлар фарқи қайтарилади;
- чипта юқори тоифага алмаштирилса ва ташиш нархи ошса, қўшимча йиғим ундирилмайди.
Ташувчи томонидан ташиш шартномасини бекор қилиш ҳолатлари
- йўловчи парвоз бошланадиган, тугайдиган ва транзит мамлакатнинг талабларини бузса;
- йўловчининг соғлиғи унга ҳаво транспортида бўлиш имконини бермаса;
- йўловчи ҳаво кемаси ичидаги юриш-туриш қоидаларини бузса;
- ҳаво транспортида ташиш талабларини бажариш йўловчи томонидан рад этилса.
Йўловчига зарар етказилганда ташувчи томонидан кўрсатиладиган бепул қўшимча хизматлар
- бир марта телефон орқали гаплашиш ёки телеграмма юбориш;
- озиқ-овқат ва ичимлик суви билан таъминлаш;
- меҳмонхона билан таъминлаш;
- аэропортдан вақтинчалик яшаш жойигача транспортда элтиб қўйиш ва қайтишни таъминлаш;
- туташ рейсларга кечикиш билан боғлиқ харажатларни тўлаш.
Йўловчига компенсация тўланмайдиган ҳолатлар
- йўловчи бошқа рейсда учишдан бош тортса;
- йўловчи ташувчининг чипта олиш ва рўйхатдан ўтиш талабларига риоя қилмаса;
- йўловчи парвоздан четлатилганда;
- йўловчи рўйхатдан ўтиб, учиб кетиш жойига келмаса;
- ташув бепул амалга оширилаётган бўлса.
Йўловчи билан расмиятчилик ишлари учун ажратилган вақт
- учиб кетишда халқаро қатновларда 60 дақиқадан, маҳаллий қатновлар - 20 дақиқадан ошмаслиги керак;
- учиб келишда халқаро қатновларда 45 дақиқадан, маҳаллий қатновлар - 20 дақиқадан ошмаслиги керак.
Айрим буюмлардан фойдаланишга қўйиладиган чекловлар
- ташувчи уяли телефон, ихчам компьютер, магнитофон, радио, “СD” эшитиш жиҳози ва шу кабилардан фойдаланишни чеклаши ёки тақиқлаши мумкин;
- эшитиш аппаратлари ва юрак уришини электр мунтазамловчи ёрдамчи аппаратлардан фойдаланишни тақиқлаш мумкин эмас.