БИР НЕЧА ТАЛАБНИ БИРЛАШТИРИШ
– даъвогар томонидан бир аризада ўзаро боғлиқ бўлган бир неча талабни (даъволарни) бирлаштириш тушунилади. Судья шу судда айнан бир тарафлар иштирок этаётган бир турдаги бир неча иш юритилаётганлигини ёхуд бир шахснинг турли жавобгарларга ёки бир неча даъвогарнинг айнан битта жавобгарга нисбатан аризалари бўйича бир неча иш юритилаётганлигини аниқласа, агар бу ишларни бирлаштириш ишнинг ўз вақтида ва тўғри ҳал қилинишига ёрдам берса, уларни биргаликда кўриш учун битта ишга бирлаштиришга ҳақли.