Россия Федерациясида паспорт олиш тартиби

Россия Федерацияси фуқароларига электрон маълумот ташувчиси мавжуд бўлган хорижга чиқиш паспортини расмийлаштириш қуйидаги ҳужжатлар мавжуд бўлганда амалга оширилади:

Эътибор беринг! Чет элда берилган расмий ҳужжатлар Россия Федерациясида ҳақиқий деб эътироф этилиши учун легаллаштирилиши лозим (агар Россия Федерациясининг халқаро шартномаларида бошқача тартиб белгиланмаган бўлса). Бошқа тилда расмийлаштирилган ҳужжатлар (рус тилидаги ёзувлар мавжуд бўлмаган тақдирда) рус тилига таржима қилиниши лозим.

Асосий ҳужжатлар:

1. Ариза – Россия Ташқи ишлар вазирлигининг махсус интернет сайтида тўлдириб, чоп этиб олинг.

2. Илгари берилган хорижга чиқиш паспорти.

3. Агар хорижга чиқиш паспорти мавжуд бўлмаса ёки унинг муддати тугаган бўлса, амалдаги ички (шаҳсий) паспорт тақдим этилиши мумкин.

Эътибор беринг! Агар фуқаронинг амалдаги хорижга чиқиш ёки ички паспорти мавжуд бўлмаса, унинг шахсини ва Россия фуқаролигига мансублигини аниқлаш мақсадида қўшимча текширув ўтказилади. Унинг тартиби билан БУ ЕРДА танишишингиз мумкин.

Болалар учун қўшимча ҳужжатлар:

1. Боланинг туғилганлик ҳақида гувоҳномаси.

2. 14 ёшдан катта болалар учун шахсини ва фуқаролигини тасдиқловчи ҳужжат тақдим этилмаса, қўшимча текширув амалга оширилади. Бу жараён тартиби билан БУ ЕРДА танишишингиз мумкин.

3. Боланинг қонуний вакилининг шахсини тасдиқловчи асосий ҳужжат.

4. Қонуний вакилининг ҳуқуқини тасдиқловчи ҳужжат (туғилганлик гувоҳномаси, васийлик гувоҳномаси ва ҳ.к.).

5. Паспортни почта орқали юбориш ҳақида ариза (агар фуқаро шундай хоҳиш билдирса).

6. Почта хизмати учун тўлов амалга оширилганлигини тасдиқловчи ҳужжат (паспортни почта орқали юбориш аризаси берилган тақдирда).

Паспортни почта орқали олиш тартиби ҳақида батафсил ушбу бўлимда танишиш мумкин.

Ҳарбий хизматчилар учун қўшимча:

1. Хорижга чиқиш паспортини расмийлаштиришга буйруқнинг рухсати (фақат асли талаб қилинади).

Барча тоифалар учун:

1. Электрон маълумот ташувчиси мавжуд бўлган хорижга чиқиш паспортини расмийлаштириш учун консуллик тўлови (ҳужжатлар қабул қилинганидан сўнг, консуллик бўлимида АҚШ долларида нақд тўланади). Илтимос, кичик қийматдаги купюраларни (1, 2, 5, 10, 20 доллар) олиб келиш тавсия этилади.

2. Паспортни амал қилишдан чиқариш ҳақида ариза (фақат олдинги паспорт йўқолган бўлса тўлдирилади).

Агар зарур бўлса:

1. Фуқаронинг (ёки бола учун унинг қонуний вакилининг) латин алифбосида фамилияси ва (ёки) исмининг паспортда бошқача ёзилиши ҳақида ихтиёрий ариза ва қуйидагилардан бири билан тасдиқловчи ҳужжат:

• олдинги паспорт;

• электрон маълумот ташувчисиз паспорт;

• туғилганлик гувоҳномаси;

• исмни ўзгартириш гувоҳномаси;

• никоҳ (ёки ажрашиш) гувоҳномаси;

• турмуш ўртоғининг паспорти (агар фуқаро турмуш ўртоғининг фамилиясини олган бўлса);

• боланинг ота-онаси ёки қонуний вакилининг паспорти (агар бола унинг фамилиясини олган бўлса);

• чет элда яшашга рухсат берувчи ҳужжат.

Эътибор беринг! Суратини олиш консуллик бўлимида махсус ускуна орқали амалга оширилади. Формали кийимда суратга тушишга рухсат этилмайди. Бош кийимда суратга тушишга фақат диний сабабларга кўра, юз шаклини тўсиб қўймаган ҳолда рухсат этилади.

Қўшимча тавсия:

Қабулга боришда (мавжуд бўлса) қуйидаги ҳужжатларни олиб бориш тавсия этилади:

• муддати ўтган Россия паспортлари;

• СССР паспорти (1974 йилги намуна), унда тегишли ёзувлар ва қўшимча варақалари бўлса;

• туғилганлик, фамилия/исм/отанини ўзгартириш, фарзандликка олиш, никоҳ/ажрашиш гувоҳномалари.

Бу ҳужжатлар расмийлаштириш жараёнини анча енгиллаштиради ва тезлаштиради.

Загранпаспортни расмийлаштириш муддати: 3 ойгача.

Паспорт муддати тугашидан 6 ой аввал расмийлаштириш учун мурожаат қилиш тавсия этилади.