Давлат корхоналарига асосий фаолиятига хос бўлмаган янги кўчмас мулк объектларини сотиб олиш ёки қуриш тақиқланди
2022 йил 1 июлдан бошлаб давлат иштирокидаги корхоналарда кузатув кенгаши аъзоларини рағбатлантириш ва ижроия органи аъзоларининг меҳнатига ҳақ тўлаш бўйича ягона сиёсат жорий этилди.
Шу билан бирга, ижроия органи аъзоларига тўланадиган ҳар қандай қўшимча тўловлар, йил давомидаги иш ҳақи ва мукофотлардан ташқари, бекор қилинди.
Давлат иштирокидаги корхоналар ва давлат улуши 50 фоиз ва ундан ортиқ бўлган банклар томонидан мулкни сотиш, бошқа корхонага инвестиция қилиш тўғрисидаги шартномалар корхоналар кузатув кенгаши билан келишилиши шарт.
Давлат корхоналарининг ҳомийлик харажатлари ўтган йилда олинган соф даромаднинг 3 фоизидан ошмаслиги керак.