Адлия вазири Яшнобод туманида жиноятчилик ва ҳуқуқбузарликларнинг олдини олиш бўйича ишчи гуруҳ билан навбатдаги учрашувини ўтказди
2026-02-24 17:40:00 / Вазирлик янгиликлари
Хабарингиз бор, Адлия вазирининг тегишли буйруғи билан Тошкент шаҳрининг Яшнобод туманида жиноятчилик ва ҳуқуқбузарликларнинг олдини олиш бўйича ишчи гуруҳ ташкил этилган.
Бугун Адлия вазири Акбар Ташкулов ушбу ишчи гуруҳнинг Яшнобод туманида хавфсиз муҳитни шакллантириш ва жамоат хавфсизлигини самарали таъминлаш бўйича намунавий амалиётни яратиш ҳамда уни тизимли йўлга қўйишнинг дастлабки таҳлилий маълумотлари ва таклифлари билан танишди.
Жараёнда ишчи гуруҳ аъзоларига туманда жиноятчиликнинг барвақт олдини олиш, ҳуқуқбузарликларга қарши курашиш, жамоат тартибини сақлаш, фуқаролар хавфсизлигини ва маҳаллада хавфсиз муҳитни таъминлаш, жиноятлардан холи ҳудудга айлантириш борасида тизимли ўрганишлар олиб бориш ва ўрганиш натижасида ишлаб чиқилаётган таклифларни янада такомиллаштириш юзасидан тегишли кўрсатмалар берилди.