Poytaxtimizda bo'lib o'tayotgan "IOC UZBEKISTAN 2024" IV xalqaro oftalmologlar Kongressida yurtimiz va 20 ga yaqin xorijiy davlatlar mutaxassislari jam bo'ldi
2024-10-05 11:35:00 / Yangiliklar
Tadbir doirasida Polshaning Lyublin tibbiyot universiteti bilan ilmiy-amaliy hamkorlik to'g'risida memorandum imzolandi. Shuningdek, Respublika ixtisoslashtirilgan ko'z mikroxirurgiyasi ilmiy-amaliy tibbiyot markazi va AQSh "Lions Eye" Transplantologiya va tadqiqot institutining Shox parda transplantasiyasi markazi o'rtasida kelishuvga erishildi.
Endi yurtimizda Markaziy Osiyoda birinchi ko'z banki yaratilib, bemorlarni donor shox parda bilan ta'minlash masalasi o'zimizda hal etiladi.
Kongressda Markaziy Osiyo glaukomatologlari alyansi tashkil qilindi.
SSV matbuot xizmati tomonidan tayyorlangan videolavha orqali ushbu tadbir tafsilotlari bilan tanishishingiz mumkin.
Sog'liqni saqlash vazirligi
Matbuot xizmati.
