Paxta yetishtirishda ilmiy yondashuv va xorijiy tajriba – yuqori hosil garovi
2024-07-01 12:00:00 / Yangiliklar
Viloyatimizda bo‘lib turgan qishloq xo‘jaligi vaziri Ibrohim Abdurahmonov Sardoba tumanida joylashgan “Indorama agro” xorijiy korxonasi paxta dalasida olib borilayotgan agrotexnik tadbirlar bilan tanishdi.
Ayni vaqtda 608 gektar maydonda g‘o‘zaning xorijiy “Chjun Tai 2” navi parvarishlanayabdi. Eʼtiborli jihati, bu jarayonlarda xitoylik agronomlar va navshunos olimlar bevosita o‘zlari ishtirok etmoqda.
Xorij mutaxassislari bilan suhbat chog‘ida Ibrohim Abdurahmonov vegetatsiya davrida alohida nazorat olib borish, ularning aprobatsiyasini to‘g‘ri va o‘z muddatida o‘tkazish kabi jihatlar yuzasidan o‘z fikrlarini bildirib o‘tdi.
G‘o‘za parvarishiga ilmiy yondashuv, agrotexnik tadbirlarni o‘z vaqtida va to‘g‘ri tashkil etish har bir gektardan o‘rtacha 70-80 sentner hosil olishda muhim omil bo‘lishi taʼkidlandi.