Farg‘ona farzandi –yurtimiz sharafini munosib himoya qilish uchun Jahon chempionatida ishtirokini boshlaydi.
2026-06-02 18:50:00 / Новости
Farg‘onalik iste’dodli yosh futbolchi Avazbek O‘lmasaliyev futbol bo‘yicha O‘zbekiston sharafini munosib himoya qilish uchun Jahon chempionatida ishtirokini boshlaydi.
Shu munosabat bilan Farg‘ona shahar hokimi, Yoshlar ishlari agentligi viloyat boshqarmasi rahbariyati, keng jamoatchilik vakillari hamda sportsevar yoshlar Avazbek O‘lmasaliyevning xonadoniga tashrif buyurdi.
Orkestr sadolari va muxlislar hayqiriqlari ostida o‘tgan samimiy uchrashuvda yosh futbolchining ota-onasi va yaqinlari qutlandi.
Tashrif davomida Avazbekning ota-onasiga farzand tarbiyasidagi mas’uliyati va fidokorligi uchun minnatdorlik bildirildi.
Ta’kidlanganidek, Avazbek O‘lmasaliyevning xalqaro maydondagi muvaffaqiyatli ishtiroki nafaqat Farg‘ona viloyati, balki butun O‘zbekiston yoshlari uchun ham katta motivatsiya va ibrat maktabi bo‘lib xizmat qilmoqda🇺🇿⚽️