Kásiplik rawajlanıw kúni - bilimlendiriwdiń sapasın arttırıwǵa áhmiyetli qádem
2025-10-08 17:25:00 / Министрлик
Ózbekstan Respublikası Mektepke shekemgi hám mektep bilimlendiriwi ministriniń 2025-jıl 30-iyundaǵı 216-sanlı buyrıǵı hám de 2025-jıl 8-sentyabrdegi 336-sanlı buyrıǵınıń orınlanıwın támiyinlew maqsetinde Qońırat rayonı mektepke shekemgi hám mektep bilimlendiriwi bólimlerinde 2025-2026-oqıw jılınıń "Kásiplik rawajlanıw kúni" ilajları óz jumısın basladı.
Usı ilaj sheńberinde 41-sanlı "Sociallıq pánler" ushın arnalǵan tayanısh mektebinde birinshi ushırasıw shólkemlestirilip, oqıtıwshılardıń kásiplik sheberligin arttırıw, oqıw procesinde zamanagóy metodikalardı qollanıw hám tájiriybe almasıw máseleleri dodalandı.
Sonday-aq, oqıwshılardıń bilim alıw procesinde belsendiligin arttırıwǵa qaratılǵan interaktiv sabaqlar shólkemlestirilip, olarda jańa metod hám texnologiyalardı qollanıw tájiriybesi kórsetildi.
-------------------------
G.Toreeva.
Qońırat rayonı Mektepke shekemgi hám mektep bilimlendiriwi bólimi "Oqıwshılar bilimin bahalaw, talqılaw hám pedagoglardıń kásiplik rawajlanıwın muwapıqlastırıw" sektorınıń metodisti