"Eń úlgili hayal-qızlar belsendisi" tańlawınıń rayon basqıshı ótkerildi
2025-09-16 11:00:00 / Министрлик
Qońırat rayonı Shańaraq hám hayal-qızlar bólimi tárepinen rayondaǵı máhállelerde jumıs alıp barıp atırǵan hayal-qızlar belsendileri arasında "Eń úlgili hayal-qızlar belsendisi" tańlawınıń rayon basqıshı bolıp ótti.
Tańlawda qatnasıwshılar óz máhállelerinde hayal-qızlardı hár tárepleme qollap-quwatlaw, olardıń kásiplik bilim alıwı, bántligin támiyinlew hám jámiyetlik turmıstaǵı belsendiligin arttırıw baǵdarlarında ámelge asırılıp atırǵan jumıslar boyınsha prezentaciya hám videorolikler arqalı óz tájiriybeleri menen ortaqlastı.
Tańlaw sońında eń belsendi hám intaker hayal-qızlar sıylıqlanıp, olarǵa diplom hám estelik sawǵaları tapsırıldı.
Nátiyjelerge bola, "Súwenli" APJ hayal-qızlar belsendisi Nisanbaeva Nargiza Tagabergenovna 1-orındı ielep, Qaraqalpaqstan Respublikası basqıshına qatnasıw ushın jollamanı qolǵa kirgizdi.