Qaraqalpaqstan Respublikası sanitariyalıq-epidemiologiyalıq tınıshlıq hám jámiyetlik salamatlıq basqarması Qońırat rayonlıq bólimine Birlesken Milletler Shólkemi Balalar qorı (UNICEF) nıń Ózbekstandaǵı wákili Rexina Mariya Kastijion keldi.
2025-08-29 16:00:00 / Министрлик
Sapardıń tiykarǵı maqseti - UNICEFtiń járdeminde bólimge tapsırılǵan hám paydalanıwǵa kirgizilgen zamanagóy laboratoriya hám medicinalıq ásbap-úskenelerdiń jaǵdayı menen tanısıwdan ibarat boldı.
Laboratoriyada ornatılǵan arnawlı shkaf, konduktometr, elektron tárezi, pH-metr ionomer, koncentratometr, magnitli aralastırıwshı hám shayqatqısh apparatlar tolıq kórsetildi. Sonday-aq, YUNISEF tárepinen ajıratılǵan, arnawlı saqlaw talaplarına sáykes túrde úskenelengen vakcinalar saqlanatuǵın muzlatqıshlardıń jumıs islewi menen tanıstı.
Bul úskeneler sanitariyalıq-epidemiologiyalıq tekseriwlerdiń sapasın arttırıw hám vakcinalardı qáwipsiz saqlaw procesin zaman talapları dárejesinde shólkemlestiriw imkaniyatın jaratpaqta.
Sapar dawamında mákeme jumısı, ámelge asırılıp atırǵan reje hám perspektivalı baǵdarlar boyınsha da pikir alısıldı. UNICEF tárepinen kórsetilip atırǵan qollap-quwatlaw nátiyjesinde bólimniń materiallıq-texnikalıq bazası bekkemlenip, xalıqtıń salamatlıǵın qorǵaw jolındaǵı jumıslardı jańa basqıshqa kótermekte