Qońırat rayonında kiberqáwipsizlik boyınsha úgit-násiyatlaw seminarı ótkerildi
2025-08-28 11:00:00 / Министрлик
Qońırat rayonında kiberqáwipsizlik boyınsha úgit-násiyatlaw seminarı ótkerildi
Qońırat rayonı mádeniyat sarayında xalıq arasında kiberqáwipsizlik sawatlılıǵın arttırıw maqsetinde seminar shólkemlestirildi. Onda rayon turǵınları, máhálle jetiligi aǵzaları hám kommerciyalıq bankler qatnastı.
Ilajdı rayon prokurorı J.Reymov, Qaraqalpaqstan Respublikası JHQXQB xızmetkeri Sh.Uzaqbergenov hám rayonlıq IIB 1-orınbasarı A.Dáuletmuratovlar alıp bardı.
Seminar dawamında házirgi kúnde keń qollanılıp atırǵan puqaralardıń bank plastik kartalarınan pul qarjıların urlaw jaǵdayları, olardıń aldın alıw ilajları haqqında tolıq maǵlıwmat berildi. Sonday-aq, tema boyınsha videokórinisler kórsetildi.
Ilaj juwmaǵında qatnasıwshılar kiberqáwipsizlikke baylanıslı áhmiyetli sorawlarına qánigelerden hár tárepleme juwaplar aldı.