"ACWA Power" joybarı sheńberinde áhmiyetli ushırasıw bolıp ótti
2025-08-19 15:00:00 / Министрлик
Búgin Qońırat rayonı májilisler zalında "ACWA Power" joybarı qurılısı boyınsha áhmiyetli ushırasıw shólkemlestirildi.
Ushırasıwda Qońırat rayonı hákimi B.Madaminov, hákim orınbasarları, tiyisli shólkem hám kárxanalardıń basshıları, sonday-aq, Aziya rawajlanıw banki, IBIS kompaniyası (Singapur), ACWA Power (Saudiya Arabstanı), EcoConsult (Iordaniya) hám Social Essence (Qubla Afrika) kompaniyası wákilleri hám "ACWA Power" kompaniyasınıń Mámleketlik shólkemler menen islesiw boyınsha menedjeri A.Kamalov hám kompaniya wákilleri qatnastı.
Ilaj dawamında joybar sheńberinde ámelge asırılıp atırǵan jumıslar dodalandı, sonday-aq, ekologiya, qorshaǵan ortalıqtı qorǵaw hám xalıqqa keltiriliwi múmkin bolǵan qolaysızlıqlardı kemeytiw máselelerine ayrıqsha itibar qaratıldı.
Aziya rawajlanıw banki wákilleri tárepinen bildirilgen sorawlarǵa juwapkerler tárepinen tiyisli túsinikler hám juwaplar berildi.
Bul ushırasıw joybardıń ashıq-aydınlıq hám xalıqaralıq talaplar tiykarında ámelge asırılıwın támiyinlewge xızmet etedi.