Qaraqalpaqstan Respublikası Qońırat rayonı hákimligi

Qońırat rayonı Shańaraq hám hayal-qızlar bólimi tárepinen jámiyette hayal-qızlardı hár tárepleme qollap-quwatlaw, gender teńlikti támiyinlew, sonday-aq, kárxana hám shólkemlerde bul baǵdardaǵı reformalardı keńnen úgit-násiyatlaw maqsetinde "Gender teńlik belsendisi" milliy tańlawınıń rayon basqıshı shólkemlestirildi.

Tańlawǵa hár qıylı shólkem hám mákemelerde jumıs alıp barıp atırǵan hayal-qızlar qatnastı. Olar óz jámáátlerinde gender teńlikti támiyinlew, hayal-qızlardıń huqıqların qollap-quwatlaw hám olardı xoshametlew baǵdarında ámelge asırǵan jumısların usındı.

Tańlaw juwmaǵında belsendi qatnasıwshılar shólkemlestiriwshiler tárepinen estelik sawǵalar menen xoshametlendi.