Qońırat rayonında jumıssız hayal-qızlardı ónermentshilikke baǵdarlaw boyınsha seminar-trening ótkerildi
2025-07-29 14:00:00 / Министрлик
Jumıssız hayal-qızlardı ónermentshilikke tartıw hám ónermentshilik penen shuǵıllanıwshı hayal-qızlardıń qatarın kóbeytiw maqsetinde Qońırat rayonında seminar-trening shólkemlestirildi.
Ilajda Qońırat rayonı hákiminiń orınbasarı, rayonlıq shańaraq hám hayal-qızlar bólimi baslıǵı J.Ametova, sonday-aq, "Ónerment birilespesi" rayonlıq bólimi baslıǵı E.Ilyasova qatnastı.
Olar tárepinen qatnasıwshılarǵa ónermentlerge jaratılıp atırǵan jeńillikler, finanslıq járdem hám basqa da ámeliy imkaniyatlar haqqında tolıq maǵlıwmat berildi. Máhállelerdegi hayal-qızlar belsendilerine bolsa ónermenchilik jumısın jolǵa qoyıw, onıń menen shuǵıllanıw múmkin bolǵan baǵdarlar boyınsha usınıs hám kórsetpeler berildi.
Seminar dawamında jumıssız hayal-qızlardı kásip-ónerge oqıtıw arqalı olardıń bantligin támiyinlew, dáramat tabıwına baǵdarlaw haqqında atap ótildi.