Qaraqalpaqstan Respublikası Qońırat rayonı hákimligi

Qońırat rayonında Húrmetli Prezidentimizdiń «Respublika aymaqların jedel kompleksli rawajlandırıw ushın tańlap alınǵan rayon (qala) larda ámeliy ilajlardı ámelge asırıw haqqında»ǵı PQ-132-sanlı qararınıń mazmun -áhmiyetin keń jámiyetshilik wákillerine jetkeriw maqsetinde ushırasıw bolıp ótti.

Onda rayon hákimi Bekzat Madaminov sózge shıǵıp, qarar menen Qońırat rayonın 2025-2026-jıllarda jedel kompleks rawajlandırıw baǵdarlaması sheńberinde ámelge asırılatuǵın ilajlarǵa toqtap ótti.

Maǵlıwmat ushın: PQ-132-sanlı Prezident qararı menen Qońırat rayonında
sanaattı rawajlandırıw kishi baǵdarlaması boyınsha:

🔹Rayondaǵı kishi, jaslar sanaat hám isbilermenlik zonalarındaǵı 1,1 gektar jer maydanlarında 9 joybardı ámelge asırıw;

🔹Kishi quwatlılıqta jumıs alıp barıp atırǵan 8 sanaat kárxanasınıń quwatlılıqların arttırıw;

🔹Rayondaǵı «Barsakelmes» iri duz káni rezervlerinen paydalanıw nátiyjeliligin arttırıw maqsetinde kán aymaǵında 50 gektar (temir jolǵa jaqın aymaqta) maydanda duzdı qayta islewge qánigelestirilgen «Barsakelmes Salt – Uzbekistan» kishi sanaat zonasın hám Rawshan máhállesi aymaǵında 50 gektar jer maydanında ximiya sanaatı ónimlerin islep shıǵarıwǵa mólsherlengen sanaat zonaların shólkemlestiriw belgilengen.

➡️Xızmetler tarawın rawajlandırıw kishi baǵdarlaması boyınsha:

🔹Xalıqaralıq áhmiyetke iye A-380 avtomobil jolınıń, rayonnıń «Ádebiyat» APJ aymaǵınan ótken 1 km bóleginiń 10 gektar jer maydanında xızmet kórsetiw hám servis joybarların ámelge asırıw;

🔹"Dawıt ata", "Buraxan ata" hám "Payǵambar qızı" sıyaqlı iri zıyarat etiw obektlerinde Zıyarat turizmin jáne Ústirt tegisliginde Sahra turizmin shólkemlestiriw koncepciyasın islep shıǵıw;

🔹Qońırat rayonı "Órnek" APJ aymaǵındaǵı 104 gektar aymaq ushın islep shıǵılǵan master reje tiykarında joybarlardı ámelge asırıw;

🔹22,9 mlrd. sum respublikalıq byudjet qarjıları esabınan rayon orayınan aǵıp ótiwshi "Jińishke" kanalınıń 2,5 km bóleginde qıyaban shólkemlestiriw, kishi sawda hám xızmet kórsetiw shaqapshaların jaylastırıw ushın zárúr infrastruktura menen támiyinlew náserde tutılǵan.

Qarar menen Qońırat rayonında qurılıstı rawajlandırıw kishi baǵdarlaması jónelisi boyınsha:

🔹Respublikalıq hám jergilikli áhmiyetke iye ishki avtomobil jolları infrastrukturasın jaqsılaw. Sonıń ishinde, 13,4 km asfalt qaplamasın jatqarıw, 22,9 km piyadalar jolın qurıw, 2 903 dana túngi jaqtılandırıw shıraqların ornatıw;

🔹Aziya rawajlanıw bankiniń járdeminde Qońırat rayonındaǵı 22 máhálleni taza ishimlik suwı menen támiyinlew joybarın juwmaqlaw;

🔹Rayon orayında jaylasqan eski emlewxananı bas rejege muwapıq 5 - 7 qabatlı zamanagóy joybar tiykarında birden-bir imaratta barlıq xızmetler hám bólimlerdi ózinde jámlegen medicina kompleksin qurıw;

🔹"Qaraqalpaqstan" kóshesindegi 115 turaq jay hám 10 turaq jay bolmaǵan jaylar, "Abdullaev" kóshesindegi 2 turaq jay bolmaǵan, 1 eki qabatlı kóp qabatlı turaq jaylar hám "Jinishke" kanalı boyındaǵı 11 turaq jay bolmaǵan jaylardıń ornında zamanagóy joybarlar tiykarında energiya únemlewshi 5 - 7 qabatlı turaq jaylar hám xızmet kórsetiw obektlerin qurıw belgilengen.