QOŃÍRAT RAYONÍNDA PUQARALARDÍŃ MÚRÁJATLARÍ BOYÍNSHA KÓSHPELI HÁM JEKE QABÍLLAW ÓTKERILDI
2026-11-20 18:50:00 / Министрлик

QOŃÍRAT RAYONÍNDA PUQARALARDÍŃ MÚRÁJATLARÍ BOYÍNSHA KÓSHPELI HÁM JEKE QABÍLLAW ÓTKERILDI
2026-jıl 20-noyabr, juma kúni Qońırat rayonı hákimliginde rayon hákimi orınbasarları tárepinen puqaralardıń jeke qabıllawı ótkerildi.
Qabıllaw dawamında puqaralar tárepinen túrli tarawlarǵa baylanıslı múrájat hám usınıslar bildirildi. Hár bir múrájat juwapkerler tárepinen tıńlanıp, olardı nızamshılıqta belgilengen tártipte kórip shıǵıw, bar mashqalalardı sheshiw boyınsha tiyisli túsinikler hám usınıslar berildi.
Sonday-aq, orınlanıwı qosımsha úyreniwdi talap etetuǵın múrájatlar juwapker shólkemlerdiń wákillerine jollanıp, olardı sheshiw boyınsha tiyisli wazıypalar belgilendi.
Puqaralardıń múrájatları menen islesiw, xalıqtı qıynap atırǵan mashqalalardı óz waqtında úyreniw hám olardıń unamlı sheshimin támiyinlew baǵdarındaǵı jumıslar dawam ettiriledi.




