#Ashıq_sáwbet SANLÍ KELESHEK: JASLAR HÁM IT IMKANIYATLARÍ
2026-11-09 20:00:00 / Баспасөз әнжуманлары

#Ashıq_sáwbet
SANLÍ KELESHEK: JASLAR HÁM IT IMKANIYATLARÍ
💻 Qońırat rayonı hákimliginde "Sanlı keleshek: jaslar hám IT imkaniyatları" atamasında ashıq sáwbet ótkerildi.
Onda rayon hákimi B.Madaminov, tiyisli shólkem hám mákemelerdiń wákilleri hám IT tarawına qızıǵıwshılıq bildirgen jaslar qatnastı.
Sóylesiwde búgingi kúnde sanlı texnologiyalar turmısımızdıń barlıq tarawlarına jedel kirip atırǵanı, jaslar ushın IT tarawı jańa imkaniyatlar, zamanagóy kásipler hám joqarı dáramatlı bántlik dáregine aylanıp atırǵanı atap ótildi.
Sonday-aq, rayonda jaslardıń málimleme texnologiyaları boyınsha bilim hám kónlikpelerin arttırıw, olardı zamanagóy kásiplerge baǵdarlaw, IT bilimlendiriwdiń qamtıp alıwın keńeytiw, frilans jumısın rawajlandırıw hám sanlı ekonomika imkaniyatlarınan nátiyjeli paydalanıw máseleleri dodalandı.
Ashıqtan-ashıq sóylesiw dawamında jaslar ózlerin qızıqtırǵan sorawlar menen múrájat etip, bar mashqalalar, usınıs hám baslamaların bildirdi. Rayon hákimi tárepinen jaslardıń pikir hám usınısların tıńlaw, olardı qollap-quwatlaw hám IT tarawındaǵı imkaniyatlardan keńnen paydalanıw áhmiyetli ekenligi atap ótildi.
Sóylesiw jaslar menen tikkeley pikir alısıw, olardıń baslamaların tıńlaw hám sanlı keleshekke qaray jańa imkaniyatlardı dodalaw ushın áhmiyetli maydan boldı.
Sebebi, búgingi bilimli hám intaker jaslar — erteńgi sanlı rawajlanıw dóretiwshileri!
——-
Juwapker:
Qońırat rayonı hákimligi Málimleme xızmetiniń baslıǵı – ruwxıylıq hám mámleketlik til máseleleri boyınsha másláhátshisi R.Aybergenova.









