JEŃIS PENEN QAYTQAN QAHARMANLAR: QOŃÍRAT SPORTSHÍLARÍNAN 9 MEDAL!
2026-11-09 18:00:00 / Министрлик

Búgin Qońırat rayonı Temir jol vokzalında "Prezident Olimpiadası" sport jarıslarınıń para jeńil atletika baǵdarında múnásip qatnasıp, joqarı nátiyjelerge erisken sportshılarımız saltanatlı túrde kútip alındı.
Sportshılardı kútip alıw máresiminde Qońırat rayonı hákiminiń orınbasarı A.Mamutov, rayonlıq sport mektebiniń direktorı Sh.Eshbaev, trenerler, ata-analar hám sport ıqlasbentleri qatnastı.
Atap ótiw orınlı, Prezident Olimpiadasında Qońırat rayonı sportshıları jámi 9 medaldı qolǵa kirgiziwge eristi. Sonıń ishinde, 1 gúmis hám 8 bronza medalına iye boldı.
Bul nátiyjeler sportshılarımızdıń tınımsız miyneti, trenerlerdiń pidayılıǵı hám sportqa qaratılıp atırǵan itibardıń ayqın jemisi bolıp esaplanadı.
Jeńimpaz hám sıylı orın iyeleri bolǵan sportshılarımızdı, olardıń ata-anaları hám trenerlerin erisilgen jetiskenlikler menen qızǵın qutlıqlaymız! Keleshektegi jarıslarda da úlken tabıslar hám jańa sheklerdi iyelewin tileymiz!






