Zulfiya atındaǵı mámleketlik sıylıqtıń rayon basqıshı ótkerildi
2026-10-27 16:00:00 / Министрлик

Qızlardıń ilim, bilimlendiriw, mádeniyat, kórkem óner hám sport tarawlarındaǵı potencialın kórsetiw, qábiletli jaslardı qollap-quwatlaw hám olardıń jetiskenliklerin múnásip xoshametlew maqsetinde Qońırat rayonındaǵı Keleshek orayında Zulfiya atındaǵı Mámleketlik sıylıqtıń rayon basqıshı bolıp ótti. Onda rayon hákimliginiń Shańaraq hám hayal-qızlar bólimi baslıǵınıń bas qánigesi N.Qılıshbaeva qatnasıwshılardı qutlıqlap, tańlawdıń jaslar turmısındaǵı áhmiyetine toqtap ótti.
Tańlawda rayondaǵı ulıwma bilim beriw mektepleriniń oqıwshıları hám joqarı oqıw orınlarınıń studentleri ózleriniń ilim, mádeniyat, sport hám jámiyetlik jumıs baǵdarlarındaǵı bilim hám potencialı, erisken jetiskenliklerin tóreshiler quramına usındı.
Qatnasıwshılardıń umtılısları, izlenisleri hám erisken nátiyjeleri bahalanıp, tańlaw jeńimpazları anıqlandı. Tańlaw juwmaǵında qatnasıwshılar húrmet jarlıǵı menen sıylıqlandı.



