Qońırat rayonında Hamroh orayınıń jumısı jolǵa qoyıldı
2026-10-28 15:00:00 / Министрлик
Qońırat rayonında hayal-qızlar isbilermenligin qollap-quwatlawǵa qánigelesken "Hamroh" orayınıń ashılıw máresimi bolıp ótti.
Ilajda Qaraqalpaqstan Respublikası Joqarǵı Keńesi Baslıǵınıń orınbasarı R.Nurazizov hám "Hamroh" hayal-qızlar isbilermenligin qollap-quwatlaw kompaniyasınıń bas direktorı Dilfuza Nurmatova qatnastı.
Bul oray húrmetli Prezidentimizdiń 2024-jıl 8-noyabrdegi hayal-qızlar isbilermenligin jáne de qollap-quwatlawǵa qaratılǵan 385-sanlı qararı sheńberinde ámelge asırılıp atırǵan jumıslardıń nátiyjesi bolıp, hayal-qızlardıń isbilermenlik baslamaların qollap-quwatlaw, bántligin támiyinlew hám dáramat dáreklerin keńeytiwge járdem beredi.
Álbette, "Hamroh" orayı rayon hayal-qızları ushın jańa ideyalar, perspektivalı joybarlar hám tabıslı baslamalar orayı bolıp xızmet etedi.