RÁSMIY MÚNÁSIBET
2026-10-27 09:00:00 / Министрлик

Sociallıq tarmaqlarda Qońırat rayonı Qaraqalpaqstan kóshesinde alıp barılıp atırǵan ońlaw jumısları procesinde bordyur ornatıw ushın jaylastırılǵan armaturanı avtomobil basıp ketiwi aqıbetinde transport quralına zıyan jetkeni haqqında xabar tarqaldı.
Bul jaǵday boyınsha sonı málim etemiz, ońlaw jumısları alıp barılıp atırǵan aymaqta armatura jaylastırılǵan bólim qáwipsizlik maqsetinde eskertiwshi lentalar menen qorshalıp qoyılǵan. Biraq, hádiyse túngi waqıtta júz bergeni sebepli aydawshı tosqınlıqtı óz waqtında abaylamay qalǵan.
Puqaralardıń qáwipsizligin támiyinlew hám keleshekte usınday kewilsiz jaǵdaylardıń aldın alıw maqsetinde aymaqta qosımsha qáwipsizlik ilajları kórildi. Sonıń ishinde, eskertiwshi baǵanalar hám jol belgileri ornatıw jumısları ámelge asırıldı.
Ońlaw jumısları procesinde tek ǵana jollardı abadanlastırıw emes, al hár bir jol háreketi qatnasıwshısınıń qáwipsizligin támiyinlew de tiykarǵı wazıypamız esaplanadı.
Sol sebepli, keleshekte de jol-ońlaw aymaqlarında qáwipsizlik ilajların kúsheytiw hám bar qáwip-qáterlerdiń aldın alıwǵa ayrıqsha itibar qaratıladı.
Aydawshılarımızdan ońlaw jumısları alıp barılıp atırǵan aymaqlarda, ásirese, túngi waqıtta háreketleniwde tezlikti normada saqlawın hámde eskertiwshi belgiler hám tosıqlarǵa itibarlı bolıwın soraymız.
