Qońırat haqqındaǵı kitap-albom Parijde tanıstırıldı
2026-10-20 19:00:00 / Министрлик
Franciya paytaxtı Parij qalasındaǵı Ózbekstan elshixanasında ǵalaba xabar qurallarınıń wákilleri, Franciya jámiyetshiliginiń belsendileri hám diplomatiyalıq korpus wákilleriniń qatnasıwında brifing bolıp ótti.
Ilaj sheńberinde usı jıldıń 27-iyun kúni Tashkent qalasında bolıp ótken Xalıqaralıq "Altın qálem" XX milliy sıylıǵınıń laureatı, Franciyadaǵı "Jeorama" baspasınıń direktorı Didye Labushqa sıylıq saltanatlı túrde tapsırılǵanı atap ótildi. Sonday-aq, ol Ózbekstan Jurnalistler awqamınıń húrmetli aǵzalıǵına qabıl etildi.
✨ Brifingtiń jáne bir itibarlı waqıyası — "Sahhof" baspası tárepinen basıp shıǵarılǵan "Qońırat — áyyemgi dańq, jańa zaman" atamasındaǵı kitap-albomnıń "Jeorama" baspası direktorı Didye Labushqa usınılıwı boldı.
Bul basılım Qońırattıń bay tariyxı, biytákirar mádeniy miyrası hám búgingi rawajlanıwın xalıqaralıq jámiyetshilikke tanıtıw, rayonnıń ózine tán kelbetin keńnen úgit-násiyatlaw jolındaǵı áhmiyetli qádem bolıp tabıladı.
📚 Qońırat tariyxı — milliy miyrasımız, onı dúnyaǵa tanıtıw bolsa ulıwma maqsetimiz!