"Gender teńlik belsendisi" milliy tańlawınıń rayon basqıshı ótkerildi
2026-10-13 17:00:00 / Министрлик
Búgin Qońırat rayonı Shańaraq hám hayal-qızlar bólimi birge islesiwshi shólkemler menen birgelikte jámiyetlik turmısta belsene qatnasıp atırǵan, ibratlı jumısı menen ajıralıp turǵan hayal-qızlardı qollap-quwatlaw, gender teńlikti támiyinlew baǵdarındaǵı reformalardı keńnen úgit-násiyatlaw maqsetinde "Gender teńlik belsendisi" milliy tańlawınıń rayon basqıshın ótkerdi.
Tańlaw dawamında qatnasıwshılar hayal-qızlar ushın jaratılǵan imkaniyatlar, erkekler hám hayal-qızlardıń teń huqıqlılıǵı, erisilgen jetiskenlikler hám sociallıq belsendilik baǵdarındaǵı tájiriybelerin prezentaciyalar arqalı kórsetti.
Qatnasıwshılardıń shıǵıwları, soraw-juwapları hám prezentaciyaları tóreshiler quramı tárepinen belgilengen normalar tiykarında bahalandı.
Tańlaw juwmaqlarına bola, múnásip qatnasıwshılar anıqlanıp, keyingi basqıshqa qatnasıw ushın usınıs etildi.