Bilimlendiriw mákemesindegi qurılıs jumısları úyrenildi
2026-09-23 10:00:00 / Xalıq deputatları Qońırat rayonlıq Keńesi deputatlarınıń jumısları
Xalıq deputatları Qońırat rayonlıq Keńesi sekretariatınıń baslıǵı B.Tursınbekov hám deputat B.Otelbaev tárepinen rayondaǵı 47-sanlı ulıwma orta bilim beriw mektebinde alıp barılıp atırǵan qurılıs jumısları úyrenildi.
Úyreniw dawamında qurılıs jumıslarınıń barısı, belgilengen rejeler tiykarında ámelge asırılıp atırǵan dóretiwshilik jumısları hám orınlanıp atırǵan jumıslardıń sapası kózden ótkerildi.
Sonday-aq, bilimlendiriw mákemesindegi qurılıs jumısların belgilengen múddetlerde juwmaqlaw, qurılıs-montajlaw jumıslarınıń sapalı orınlanıwın támiyinlew hám bar kemshiliklerdi óz waqtında saplastırıw máseleleri dodalandı.
Juwapkerlerge qurılıs jumısların belgilengen talaplar tiykarında sapalı hám óz múddetinde juwmaqlaw boyınsha tiyisli usınıslar berildi.