Húrmetli puqaralar!
2026-09-08 09:00:00 / Министрлик
📢 "Kungrad-1" samal elektr stanciyası joybarı boyınsha jámiyetlik másláhátlesiw ótkiziledi
Qaraqalpaqstan Respublikasında "ACWA Power" kompaniyası tárepinen ámelge asırılıp atırǵan "Kungrad-1" samal elektr stanciyası joybarı boyınsha jámiyetlik másláhátlesiw májilisi ótkiziledi.
Usi joybar ulıwma 1 500 MVt quwatlılıqqa iye bolıp, jılına 5 304 GVt/saat ekologiyalıq taza elektr energiyasın islep shıǵarıwı kútilmekte. Joybar jılına derlik 2,5 million tonna CO₂ shıǵındılarınıń aldın alıw menen birge, jergilikli xalıq ushın jańa infrastruktura hám bántlik imkaniyatların jaratadı.
Ushırasıw dawamında joybardıń ekologiyalıq, sociyallıq hám ekonomikalıq tásirleri, turaqlı rawajlanıw maqsetlerine qosqan úlesi haqqında maǵlıwmat beriledi.
Sonday-aq, qatnasıwshılar ózleriniń sorawları hám pikir-usınısların bildirip, joybar boyınsha ashıq talqılawǵa qatnasıwı múmkin.
📅 Sáne: 2026-jıl 8-oktyabr
🕑 Waqıt: 14:00–15:00
📍 Orın: Qaraqalpaqstan Respublikası, Qońırat rayoni Hákimligi konferenciya zalı.
Sonday-aq, jeke qatnasa almaytuǵınlar ushın onlayn qatnasıw imkaniyatı da jaratılǵan. QR-kod arqalı dizimnen ótip, prezentaciyanı kóriw hám óz pikir-usınıslarıńızdı bildiriwińiz múmkin.
Bárlıq qızıǵıwshılardı jámiyetlik másláhátlesiwge belsendi qatnasıwǵa shaqıramız.