Sportshılar ushın jańa imkaniyatlar
2026-08-17 15:00:00 / Министрлик
Ózbekstan Respublikası Ǵárezsizliginiń 35 jıllıǵı bayramı aldınan Qońırat rayonı sport mektebiniń sportshıları ushın zamanagóy sport inventarları, úskeneleri hám sport kiyimleri ajıratıldı.
Bul sport inventarları Ózbekstan Respublikası Sport ministrligi tárepinen usınılıp, búgin Jaslar orayınıń májilisler zalında sport mektebiniń direktorı Sh.Yeshbayev hám onıń jámááti tárepinen sportshılar hám trenerlerge saltanatlı túrde tapsırıldı.
Jańa sport úskeneleri jaslardıń shınıǵıwları ushın jaratılǵan sharayatlardı jáne de jaqsılaw, oqıw-shınıǵıw procesiniń nátiyjeliligin arttırıw hám sport túrlerin rawajlandırıwǵa xızmet etedi.
Sonday-aq, bul járdem qábiletli hám perspektivalı jas sportshılardı anıqlaw, olardı qollap-quwatlaw hám joqarı sport nátiyjelerine tayarlaw ushın qosımsha imkaniyatlar jaratadı.