Qaraqalpaqstan Respublikası Qońırat rayonı hákimligi

Ózbekstan Respublikası Awıl xojalıǵı ministrligi hám Ózbekstan Fermerleri keńesiniń qıytaq jer iyeleri, diyqan hám fermer xojalıqlarına
Múrájatı
Húrmetli qıytaq jer iyeleri, diyqan hám fermerler!
Búgingi kúnde azıq-awqat qáwipsizligin támiyinlew - xalıqtıń abadanlıǵın arttırıwdıń eń tiykarǵı baǵdarlarınan biri.
Bir jılda eki-úsh márte zúráát alıw imkaniyatın beretuǵın biytákirar klimatımız hám ónimdar topıraǵımızdıń qádirine jetiń. Hár bir qarıs jerden aqılǵa uǵras paydalanǵan halda kartoshka, piyaz, chesnok hám toqsanbastı usılında ovosh eginlerin egip, dasturqanımızdı jáne de mol etiwge múnásip úlesińizdi qosıń.

Qıytaq jerler, baǵ qatar aralarınan hám atız shetlerinen únemli paydalanıń. Onda mámleketimiz basshısınıń párman hám qararları menen belgilengen jáne Kámbaǵallıqtı qısqartıw hám bántlik ministrligi janındaǵı Diyqan xojalıqları hám qıytaq jer iyelerin qollap-quwatlaw qorınıń tómendegi jeńilliklerinen paydalanıń:
- jerden nátiyjeli paydalanıp, bir sotıxtan 5 million sumnan joqarı rásmiy dáramat tabıń hám jer salıǵınıń 90 procentin "keshbek" tárizinde qaytarıp alıń;
- qıytaq jerińizdegi eń úlgili hám innovaciyalıq joybar ushın bazalıq esaplaw muǵdarınıń 100 esesinen aspaǵan muǵdarda grantlar utıw imkaniyatınan paydalanıń;
- usta diyqanlar tárepinen qısqa múddetli oqıw kursların shólkemlestiriń hám hár bir kurs ushın bazalıq esaplaw muǵdarınıń 15 esesine shekemgi muǵdarda subsidiya alıń;
- máhálleńizde 50 procent shańaraqlardıń qıytaq jerinde eksportqa jaramlı ónim jetistiriwdi jolǵa qoyıwǵa járdemlesip, 100 million sumǵa shekem subsidiya alıń;

- qıytaq jer ieleri hám diyqan xojalıqlarınıń awıl xojalıǵı ónimlerin jetistiriw, keptiriw, saqlaw hám qadaqlaw joybarları ushın 7 jılǵa shekemgi múddetke 18 procent stavkada kreditler alıń;

- ıqsham muzlatqıshlı qoymaxanalar, qadaqlaw, keptiriw hám qayta islew úskeneleri jáne tayar jaǵdaydaǵı ıssıxanalardı 5 jılda bólip tólew shárti menen lizingke alıń;

- xalıqtıń qıytaq jerlerinde nátiyjesiz eski baǵlardı rekonstrukciyalaw hám jańaların jaratıw ushın subsidiyalar alıń;

- suw támiynatı awır bolǵan aymaqlarda jer uchastkaların suwǵarıw ushın tik qudıqlardı burǵılaw hám iske qosıw ushın subsidiyalar alıw;

- suw resurslarınan únemli paydalanıp, qıytaq jer maydanlarında ónimdarlı hám joqarı dáramatlı awıl xojalıǵı ónimlerin jetistiriń;

- Keńes janındaǵı qıytaq jerdi rawajlandırıw tájiriybe maydanlarında qıytaq jerden nátiyjeli paydalanıw hám joqarı zúráát alıw boyınsha xalıqtıń bilim hám kónlikpelerin arttırıw;
- Awıl xojalıǵı ministrligi janındaǵı Ovosh jetistiriw ilimiy-izertlew institutı ilimpazları tárepinen islep shıǵılǵan qollanbalardan paydalanıp, joqarı zúráát alıwǵa erisiń.
Áhmiyetli!
Qıytaq jer maydanları hámde diyqan xojalıqlarına ijaraǵa berilgen jerlerde egin tolıq egilmegen yaki qarawsız qaldırılǵan jaǵdaylarda:
- qıytaq jer iyeleri hám diyqan xojalıqlarına mámleketlik baǵdarlamalar sheńberindegi jeńilletilgen kreditler berilmeydi;
- Sociallıq qorǵawdıń birden-bir reestrine kirgizilgen puqaralar ushın názerde tutılǵan jeńillikler toqtatıladı;
- "Onlayn máhálle" elektron platforması maǵlıwmatları tiykarında egin egilmegenligi anıqlanǵan jıl ushın jer salıǵı stavkası úsh ese muǵdarında esaplanadı.

KESHKI KARTOSHKA JETISTIRIWDE:
- keshki kartoshka ushın jerdi egin qaldıqlarınan tazalaw, talap etilgen tereńlikte súriw hám egiw ushın salmalardı tayarlaw;
- jerdiń temperaturasın esapqa alıp, egiwdi shólkemlestiriń;
- suw resurslarınan únemli paydalanıp, 1-2 suw aralıǵında mineral tóginlerdi usınıs etilgen muǵdarda salıw joqarı zúráát jetistiriwde úlken áhmiyetke iye;
- kartoshkanı tárbiyalawda rawajlanıw fazasın turaqlı qadaǵalawǵa alıń. Deneniń ósiwi hám japıraqlar reńiniń ózgeriwine itibar beriń;
- gúllew dáwirinen aldın zıyankeslerge, sonıń ishinde, kolorado qońızı, simqurt hám basqalarǵa qarsı ximiyalıq islew beriwdi umıtpań;
- kartoshka gúllegennen soń suwdı belgilengen normalarda beriwge ayrıqsha itibar qaratıń;
- gúz aylarında qısqa múddetli suwiq hawa rayı júzege kelgende, egin ústin doga tárizde ornatilgan plyonka yaki agrovolokno menen jabiń.
AVGUST-SENTYABR PIYAZ HÁM CHESNOK JETISTIRIWDE:
- jerdi egin qaldıqlarınan tazalań, talap etilgen tereńlikte súriw arqalı egiwge tayarlań;
- piyaz hám chesnoktı sentyabr ayı ishinde egiw sapalı nál alıw hám ósimliklerdiń jaqsı tamır jayıwında úlken áhmietke iye;
- suw resurslarınan únemli paydalanıń;
- ósimliklerdi kútiwde rawajlanıw fazasın turaqlı qadaǵalawǵa alıń, jabayı shóplerden taza saqlań;
- eginlerdi kesellik hám zıyankeslerden nátiyjeli qorǵań, mineral hám organikalıq tóginlerden belgilengen normalarda paydalanıp, joqarı ónim hám qosımsha dáramatqa erisiń.

TOQSANBASTÍ USÍLÍNDA PALÍZ EGINLER JETISTIRIWDE:
Toqsanbastı usılı tek ǵana jaqsı dáramat dáregi emes, al xalıqtıń qıs hám báhár aylarındaǵı ovoshqa bolǵan talabın qanaatlandırıp, bazarlarımızda turaqlı baha hám molshılıqtı támiyinlewdiń de áhmietli faktorı bolıp esaplanadı.
- jerdi aldınģı egin qaldıqlarınan tazalap, kerekli tereńlikte súriw arqalı egiwge tayarlań;
- gúzde suwiq hám igallıq baslanıwınan aldın toqsanbasti usılında egiw ushin suwiqqa shidamlı geshir, kók piyaz, as láblebisi, kapusta hám de hár túrli kók shópler (ismaloq, ukrop, petrushka, selderey, kashnich, salat) tuqımların tayarlap, keshiktirmey egiń;
- tuqımlardı usınıs etilgen norma hám tereńlikte egip, dáslepki suwdı óz waqtında beriń;
- eginlerdi kesellik hám zıyankeslerden qorǵań, jabayı shóplerden taza saqlap, joqarı zúráát alıwǵa erisiń.
HÚRMETLI QÍYTAQ JER IYELERI, DIYQAN HÁM FERMERLER!
Hámmeńizdi qıytaq jerlerden, baǵ qatar aralarınan hám atız shetlerinen únemli paydalanıp, kartoshka, avgust-sentyabr piyazı, chesnok jáne toqsanbastı usılında awıl xojalıǵı eginlerin belgilengen múddetlerde egiw jumısların juwmaqlawǵa shaqıramız.
Este saqlań: búgingi háreket - erteńgi molshılıq hám abadan turmısımızdıń bekkem tiykarı!
Jerimiz bereketli, ırısqımız mol, shańaraqlarımız hámiyshe tınısh hám abat bolsın!
Ekonomikamızdı kóteriw hám ana jurtımızdı jáne de abat etiw jolında múnásip úlesińizdi qosıń - awıl xojalıǵı eginlerin óz múddetinde egiń hám joqarı zúráátke erisiń!
Ózbekstan Respublikası Awıl xojalıǵı ministrligi
Ózbekstan Fermerler keńesi