Jas isbilermen qız - sanlı texnologiyalar arqalı tabısqa qaray
2026-08-06 17:00:00 / Министрлик
Qońırat rayonınıń jas hám intaker informatika páni oqıtıwshısı Jolmirzayeva Nurjamal Húrmetli Prezidentimiz tárepinen jaslar hám IT tarawın qollap-quwatlaw baǵdarında jaratılıp atırǵan keń imkaniyatlardan únemli paydalanıp, usı jıldıń jaz aylarında óziniń isbilermenlik jumısın jolǵa qoydı.
Jańadan shólkemlestirilgen IT orayında jumıs alıp barıp atırǵan jas isbilermen búgingi kúnde 200 den aslam oqıwshıǵa zamanagóy málimleme texnologiyaları, startap joybarlar jaratıw hám sanlı xızmetler arqalı dáramat tabıw sırların úyretip kelmekte.
Itibarlısı, onıń shákirtleri arasında óz bilim hám kónlikpelerin ámeliyatqa qollanıp, erkin dáramat tabıwdı baslaǵan, shańaraǵına materiallıq járdem berip atırǵan jaslar da bar. Bul bolsa bilimlendiriwdiń ámeliy nátiyje berip atırǵanınan derek beredi.
Jas isbilermen jumısın jáne de keńeytiwdi maqset etken. Onıń rejesine bola, usı jılı sentyabr ayında jáne 5 jas turaqlı jumıs penen támiyinlenedi.
Jaslardıń zamanagóy kásip-óner iyelewi, isbilermenlik jumısına keńnen tartılıwı hám óz potencialın júzege shıǵarıwı jolında jaratılıp atırǵan imkaniyatlar búgin mine usınday intaker jaslar mısalında óziniń ámeliy nátiyjesin kórsetpekte.
https://t.me/qongiratrkuz/71576