🌍 Xalıqaralıq tájiriybe - sapalı bilimlendiriw faktorı
2026-07-28 09:00:00 / Министрлик
Qońırat rayonı 47-sanlı ulıwma bilim beriw mektebiniń direktorı Dilbar Allaniyazova Franciyada bolıp ótken Frankofoniya xalıqaralıq tájiriybe arttırıw seminarında qatnastı.
Seminar dawamında Franciyanıń aldınǵı mektep basqarıw tájiriybesi, zamanagóy oqıtıw metodikaları hám bilimlendiriwdiń sapasın arttırıwǵa qaratılǵan innovaciyalıq kózqaraslar úyrenildi.
Atap aytqanda:
🔹 mektep basqarıwınıń nátiyjeli xalıqaralıq tájiriybeleri;
🔹 oqıwshılarda sın kózqarastan pikirlew hám ámeliy kónlikpelerdi rawajlandırıw usılları;
🔹sabaq processlerine interaktiv hám innovaciyalıq metodlardı engiziw jolları boyınsha bilim hám tájiriybeler almasıldı.
Sonday-aq, Nitsa hám Monako qalalarındaǵı bilimlendiriw mákemelerinde shólkemlestirilgen oqıw-ámeliy shınıǵıwlar dawamında arttırılǵan tájiriybeler keleshekte Qońırat rayonındaǵı 47-sanlı ulıwma bilim beriw mektebinde bilimlendiriwdiń sapasın bunnan bılay da arttırıw hám zamanagóy bilimlendiriw ortalıǵın qáliplestiriwge xızmet etedi.
Maqset - xalıqaralıq standartlarǵa sáykes, zamanagóy hám sapalı bilimlendiriw sistemasın rawajlandırıw.