Paytaxtımızda ótkerilip atırǵan abıraylı xalıqaralıq investiciyalıq ilaj - besinshi Tashkent xalıqaralıq investiciyalıq forumında Qońırat rayonı delegaciyası da belsene qatnaspaqta
2026-06-16 19:00:00 / Министрлик
Paytaxtımızda ótkerilip atırǵan abıraylı xalıqaralıq investiciyalıq ilaj - besinshi Tashkent xalıqaralıq investiciyalıq forumında Qońırat rayonı delegaciyası da belsene qatnaspaqta
Rayon hákimi B.Madaminov basshılıǵındaǵı delegaciya quramınan hákimlik qánigeleri hám jergilikli isbilermenler orın alǵan bolıp, forum sheńberinde sırt elli investorlar, iri kompaniyalar hám xalıqaralıq finans institutlarınıń wákilleri menen nátiyjeli ushırasıwlar ótkermekte.
Forum sheńberinde Qońırat rayonı hákimi B.Madaminov Qıtaydıń Zhejiang Yuechuang Electronic Technology Co., Ltd., Yaponiyanıń Lives Inc. kompaniyaları, sonday-aq, Rossiya hám Latviya mámleketlerinen kelgen biznes topar wákilleri menen bir qatar sáwbetler alıp barmaqta. Ushırasıwlarda rayonnıń investiciyalıq tartımlılıǵın bunnan bılay da arttırıw, zamanagóy texnologiyalardı tartıw, jańa óndiris quwatlıqların jaratıw hám eksport geografiyasın keńeytiw máseleleri dodalanbaqta.
Ushırasıwlar dawamında birgeliktegi investiciyalıq joybarlardı ámelge asırıw, innovaciyalıq sheshimlerdi engiziw, jańa jumıs orınların jaratıw hám jergilikli ónimlerdiń xalıqaralıq bazarlardaǵı básekige shıdamlılıǵın arttırıw boyınsha perspektivalı usınıslar kórip shıǵıldı.
Bul forum Qońırat rayonı ushın jańa investiciya aǵımların tartıw, xalıqaralıq birge islesiw baylanısların bekkemlew hám aymaqtıń sanaat hám eksport potencialın arttırıw jolında áhmietli platforma bolıp xızmet etpekte.