Qońırat rayonında kir juwıw untaǵı islep shıǵarıwdı rawajlandırıw máseleleri dodalandı
2026-04-02 10:20:00 / Жыйналыслар
Qońırat rayonında "Kir juwıw untaǵın islep shıǵarıwdı drayver baǵdarlardan birine aylandırıw" temasında ushırasıw bolıp ótti. Onda rayon hákimligi juwapkerleri, taraw qánigeleri hám isbilermenlik subyektleri qatnastı.
Ushırasıw dawamında jergilikli sanaattı rawajlandırıw, kir juwıw untaǵın islep shıǵarıwdı zamanagóy texnologiyalar tiykarında keńeytiw, ishki bazardı sapalı ónim menen támiyinlew hám aymaqtıń ekonomikasın bekkemlew máseleleri hár tárepleme dodalandı.
Sonıń menen birge, isbilermenlik baslamaların qollap-quwatlaw, investiciyalardı tartıw hám jańa jumıs orınların jaratıwǵa qaratılǵan anıq ámeliy ilajlar belgilep alındı.
Májilis juwmaǵında óndiris kólemin arttırıw, ónimniń básekige shıdamlılıǵın támiyinlew hám tarawdı izbe-iz rawajlandırıw boyınsha tiykarǵı wazıypalar belgilendi hám tiyisli jumısshı topardıń jumısı jolǵa qoyıldı.